Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri Edi Rama, ka theksuar rëndësinë e bashkimit të Shqipërisë me Europën, duke e përshkruar këtë proces si një rrugë me dy korsi: njëra për punën e përditshme të reformave dhe masave teknike, dhe tjetra për aspektin politik. Gjatë bisedës së tij në podcastin e tij, ku kishte të ftuar ministren e Shtetit për Administratën Publike dhe Antikorrupsionin, Adea Pirdeni, Rama diskutoi hapjen e negociatave për grup-kapitullin “Themeloret”, duke e quajtur atë tejet të rëndësishëm dhe me përfitime për Shqipërinë. Ky podcast i kushtohet ditës më të rëndësishme, historike, në kuptimin e plotë të fjalës, të misionit tim, që nga koha kur më keni besuar privilegjin e udhëheqjes së Shqipërisë sonë të përbashkët. Bashkimi me Europën është një rrugë me dy korsi: korsia e punës së përditshme të reformave dhe korsia politike, tha Rama. Ai gjithashtu shprehu besimin se Shqipëria do të anëtarësohet në BE brenda kësaj dekade, duke theksuar se është “i bindur 100%” për këtë.
