Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama, ka reaguar në lidhje me çështjen e kryetarit të zgjedhur të Bashkisë së Himarës, Alfred Beleri, cili ndodhet në paraburgim dhe mbi reagimet dhe qëndrimet e zyrtarëve grekë për këtë çështje, duke theksuar se “ky politizim i një çështjeje të drejtësisë shqiptare, mund t’i shkonte skenarit të një filmi sarkastik. Në reagimin e tij Rama thekson se Shqipëria e sotme është një vend evropian me një legjislacion të ri shembullor për të gjitha minoritetet, ku sipas tij minoriteti grek gëzon liri e të drejta të njëjta me bashkësinë shqiptare. Në lidhje me protestën që u zhvillua më 14 gusht në Himarë në mbështetje të Belerit, ku morën pjesë edhe zyrtarë grekë, Rama thekson se “Në memorien time nuk ka një rast tjetër, kur të zgjedhurit e një shteti demokratik organizojnë protestë në një shtet tjetër demokratik, kundër autoriteteve të këtij shteti. Jo vetëm kaq, po ku ata shfaqen si protestues kundër vendimeve të gjykatave përkatëse të shtetit në të cilin protestojnë, duke e absolutizuar përkatësinë etnike të subjektit të protestës mbi çdo normë juridike, standard ligjor e logjikë demokratike, ka shkruar Edi Rama, duke theksuar se është jo vetëm shumë i keqardhur, por edhe seriozisht i shqetësuar, lidhur me këtë çështje.
