Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Republikës së Kosovës, Albin Kurti, ka pritur në takim ambasadorin e Malit të Zi, Ferhat Dinosha. “Fqinjësia e mirë është prioritet i Qeverisë së re dhe se takimi me ambasadorin, z. Dinosha është fillimi i këtij rrugëtimi. Si dy shtete duhet të bëjmë shkëmbimin e përvojave me qëllimin e krijimit të raporteve të sinqerta fqinjësore”, ka njoftuar Zyra e Kryeministrit. Sipas këtij njoftimi, ambasadori Dinosha i ka shprehur kryeministrit Kurti urimet e shtetit të tij, duke e përcjellë edhe urimin e kryeministrit Dushko Markoviq dhe të gjithë shqiptarëve në Mal të Zi. “Rruga në integrim evropian është rrugë e përbashkët. Sfidat me të cilat ballafaqohen të dy shtetet tona në shumicën e rasteve janë të ngjashme e jo rrallëherë janë edhe të njëjta, prandaj kemi shumë mësime që mund të nxjerrim prej njëra-tjetrës”, është thënë në këtë njoftim.
