Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës, Albin Kurti, ka publikuar një plan me pesë pika për shtendosjen e situatës në veri të vendit, të cilin paraprakisht ia kishte paraqitur shefit të BE-së, Borell, ndërsa sot ua ka bërë të ditur edhe ambasadorëve të vendeve të Pesëshes. Pesë pikat e planit të Albin Kurtit, janë po ato që ai i ka përsëritur vazhdimisht si: Sundimi i ligjit në katër komunat veriore dhe identifikimi dhe ndjekja e atyre që kanë sulmuar policinë, KFOR-in dhe gazetarët. Grupet e dhunshme të tërhiqen menjëherë nga territori i Kosovës. Policia e Kosovës, KFOR-i dhe EULEX-i të kryejnë vlerësime të përbashkëta të sigurisë çdo 15 ditë. Qeveria e Kosovës do të koordinohet me të gjithë akterët dhe do të shpallë zgjedhje të parakohshme në katër komunat veriore, që do të mbahen në atmosferë të lirë dhe demokratike. Kosova dhe Serbia kthehen menjëherë në dialog në të cilin BE-ja siguron zbatimin e marrëveshjes së arritur si dhe në javën që vjen të organizohet takim i nivelit të lartë.
