Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Sofje të Bullgarisë, Kryeministri i Kosovës, Albin Kurti u mirëprit në Sofje të Bullgarisë edhe nga kryetari i këtij vendi, Rumen Radev, me të cilën zhvilloi një takim bilateral pas atij që kishin bashkë në kryeqytetin e Republikës së Kosovës në dhjetor të vitit të kaluar. Takimin e dytë brenda katër muajve kryeministri Kurti e cilësoi së dëshmi të marrëdhënieve të mira, teksa theksoi rëndësinë e takimeve të tilla të shpeshta për marrëdhëniet dypalëshe. Ai falënderoi Bullgarinë për mbështetjen e saj në periudha vendimtare të vendit dhe popullit tonë, për përkrahjen e vazhdueshme të shtetit tonë në anëtarësimin në organizata ndërkombëtare, përfshirë Këshillin e Evropës tash së fundmi, për bashkëpunimin e ngushtë rajonal dhe për kontributin e saj në sigurinë rajonale si anëtare e NATO-s. Folën për raportet ekonomike ndërmjet dy vendeve, mundësitë që i kemi përpara për thellimin dhe fuqizimin e tyre si dhe për sigurinë e kontinentit dhe rajonit përballë sfidave të kohës. Biseduam gjithashtu edhe për fushën e mbrojtjes ku këtë vit ministri i Mbrojtjes i Republikës së Kosovës dhe ai i Republikës së Bullgarisë pritet të nënshkruajmë një Marrëveshje Bashkëpunimi.
