Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Republikës së Kosovës, Ramush Haradinaj, në bazë të kompetencave Kushtetuese dhe ligjore, ka thirrur sot për në ora 13:00, mbledhjen e rregullt të Këshillit të Sigurisë së Kosovës. Sipas një njoftimi, Këshilli i Sigurisë së Kosovës, do të diskutojë për gjendjen e përgjithshme të sigurisë në vend. Gjithashtu është bërë e ditur se pas mbledhjes do të ketë konferencë për medie. Këshilli i Sigurisë Kombëtare përbëhet nga kryeministri, kryetari drejtori i Policisë, komandanti i FSK-së dhe ministri i Punëve të Brendshme.
Kryeministri i Kosovës, Ramush Haradinaj, pas mbledhjes së Këshillit të Sigurisë, ka thënë se nuk do të japë dorëheqje, edhe pse koalicioni qeverisës nuk ka shumicën në Kuvend, pas largimit të Listës Serbe. “Parlamenti është i përbërë prej shumë grupeve parlamentare. Lista Serbe është partner. Kemi pas partneritet të mirëfilltë. Veprimi i djeshëm s’ishte i drejtuar kundër serbëve të Kosovës e as komunitetit politik në Kosovë, pos për ata që kanë shkelur ligjin. Është procedurë standarde. Është e pakuptueshme marrja e këtij vendimi, sepse është zbatuar ligji. Ka pasur edhe raste të tjera kur në emër të ligjit janë tërhequr zvarrë liderët. Dorëheqje s’e kam plan të jap. Nuk kam fjalë për ata që hyjnë e dalin, ka thënë Haradinaj.
