Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri Edi Rama ka hapur fushatën për zgjedhjet lokale të 14 majit. Me sloganin “Kurrë pas, përpara”, Rama mblodhi vetëm deputetët socialistë dhe kandidatët për zgjedhjet lokale në të gjitha bashkitë e vendit. Në sheshin “Skënderbej”, në mënyrë simbolike, nisi puna për mbjelljen e 61 pemëve. Në fjalën e tij, kryeministri Rama u shpreh se Partia Socialiste ka arritur të fitojë 7 herë në 8 palë zgjedhje. Shqipëria është sot një vend krejt tjetër në sytë e botës. Që kur unë drejtoj Partinë Socialiste kemi fituar 7 nga 8 palë zgjedhje, kemi humbur vetëm një në 2009, që më shumë se sa e humbëm, ata na e morën fitoren. Sidoqoftë, të fitosh zgjedhjet është një gjë, ndërsa një gjë tjetër është ta kthesh fitoren në vlerë, për komunitetin. Jam krenar për vlerën e shtuar që fitoret e PS kanë sjellë për Shqipërinë. Tani jemi një vend krejt tjetër në sytë e botës, na janë besuar role parësore edhe në OKB. Sot marrëdhëniet ndërkombëtare janë në nivelin më të lartë, janë miqësore, aktive, takimet e nivelit të lartë janë pjesë e punës si faktor me peshë në rajon, ka thënë mes tjerash, Edi Rama.
