Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama, ka pritur sot në Shëngjin, kryeministren e Italisë, Gjorgjia Meloni. Qëllimi i vizitës së kryeministres italiane është ecuria e punës për ndërtimin e strukturave në Shëngjin dhe Gjadër për strehimin e përkohshëm të emigrantëve të paligjshëm. Në mesditë Meloni dhe Rama do të vizitojnë dy zonat ku do të qëndrojnë emigrantët e paligjshëm dhe se në cilën fazë është ndërtimi i qendrave të identifikimit dhe të kampeve. Në nëntorin e vitit të kaluar dy kryeministrat firmosën protokollin e bashkëpunimit për çështjet e emigracionit. Ai parashikon që emigrantët e shpëtuar në detin Mesdhe të dërgohen në Shqipëri. Në këmbim të kësaj ndihme që qeveria e Tiranës po i jep asaj të Romës për të përballuar emigracionin e paligjshëm, të gjitha shpenzimet nga ndërtimi i qendrave të pritjes e deri te siguria, kujdesi shëndetësor dhe çdo nevojë tjetër do të financohen nga shteti italian. Vajtja e Gjorgjia Melonit në Shqipëri përkon me javën kulturore italiane në Shqipëri por edhe në prag të zgjedhjeve për deputetët e rinj të parlamentit evropian e ku lufta me emigracionin e paligjshëm është një prej çështjeve kryesore të Bashkimit Evropian.
