Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Ardhmërinë e Kosovës, Ramush Haradinaj, ka reaguar pas vendimit të qeverisë për lejimin e mallrave të Serbisë, që të hyjnë në Kosovë. Ai ka akuzuar kryeministrin Albin Kurti se po bën koncesione në dëm të Kosovës, duke konstatuar se dje në mënyrë klandestine kryeministri Kurti hoqi masat ndaj mallrave të Serbisë. Kjo ishte përsëritje e vendimit për heqjen e tarifës 100 për qind që pata vendosur, qysh në vitin 2018. Ky është koncesioni i radhës i Albin Kurtit, i cili popullit i shet propagandë e Serbisë i bën koncesione. Ai bën koncesione pasi paraprakisht i bën dëme të rënda Kosovës e pas koncesionit dëmi i mbetet Kosovës. Ai bëri koncesione të vonshme edhe për anëtarësim në Këshill të Evropës, por Kosova mori vetëm dëmin por jo anëtarësimin. Me koncesionin e djeshëm tentoi ta mbulojë me 20 euro lëmoshë për pensionistët. Ne si shoqëri e kemi obligim ta ballafaqojmë me propagandën e tij dhe dëmet që po i bën Kosovës. E kam thënë edhe më herët se Albin Kurti nuk i shërben Kosovës, ka nënvizuar, kryetari i Aleancës për Ardhmërinë e Kosovës, Ramush Haradinaj.
