Kryeministri Mustafa konfirmon investimet në Ferizaj

06/06/2016 Institucionet

Kryeministri i Kosovës Isa Mustafa, ka konfirmuar edhe një herë synimin që Qeveria e Kosovës të investojë në projekte të rëndësishme zhvillimore në komunën e Ferizajt.

Në profilin e tij në Facebook, Kryeministri Mustafa, ndër të tjera shkruan: “Së shpejti në Ferizaj do të fillojmë ndërtimin e Spitalit Rajonal, do të bëjmë zgjidhje për çështjen e Hekurudhës dhe po ashtu do të bëjmë zgjidhje përfundimtare për ujin e pijshëm dhe ujitje përmes investimeve në Hidrosistemin Lepenci”.

Janë këto vetëm disa nga projektet e premtuara nga Qeveria, të cilat pritet të realizohen në Ferizaj e rrethinë.

Kryetari i Komunës së Ferizajt, Muharrem Svarqa, falënderon me këtë rast Kryeministrin Mustafa dhe Qeverinë e Kosovës për mbështetje. Ai falënderon po ashtu Ministrin e Infrastrukturës Lutfi Zharkun, Ministrin e Mjedisit Ferid Aganin, deputetët e zyrtarët e lartë dhe qytetarët që morën pjesë të dielën më 5 qershor në përurimin e projekteve të rëndësishme në komunën e Ferizajt.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara