Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri, Ramush Haradinaj nuk i ka pritur mirë fjalët e Jakup Krasniqit, për qeverisjen e tij. Ai ka thënë për mediet se nuk është e ndershme që Nisma të jetë pjesë e Qeverisë ku udhëheq tri ministri në krye me Fatmir Limajn, ndërsa, kryetari i Këshillit Kombëtar, Jakup Krasniqi t’ia bëjë opozitën Qeverisë. Unë nuk e kuptoj se si kryetari i Këshillit Kombëtar të Nismës, Jakup Krasniqi, ka një qëndrim, e kryetari i partisë, Fatmir Limaj, ka tjetër qëndrim. Ai i ka bërë thirrje udhëheqësve të Nismës që të qartësojnë pozicionin e tyre nëse janë me të, apo duan të dalin nga Qeveria. Në përgjigjen e tij, kryetari i Këshillit Kombëtar të Nismës Socialdemokrate, Jakup Krasniqi ka deklaruar se kryeministri Haradinaj vërejtjet e tilla nuk është dashur t’i merrte si kritika, por si këshilla për një qeverisje më të mirë. Unë e mirëkuptoj pozicionin e tij në konstelacionin e forcave në koalicionin qeverisës. Nisma i ka dhënë mundësinë, Haradinajt që të marrë qeverisjen qendrore, prandaj, kryeministri duhet të jetë mirënjohës për këtë fakt të pamohueshëm, ka thënë mes tjerash në përgjigjen e tij, Jakup Krasniqi.
