Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas kryetarit të Kosovës, Hashim Thaçi, edhe kryeministri Ramush Haradinaj ka mirëpritur marrjen e kryesimit të Këshillit të Bashkimit Evropian nga Bullgaria. Ai përmes postimi ka shprehur besimin se Sofja zyrtare do të jetë një zë i Kosovës në Bashkimin Evropian, ndërkohë që vendi ynë po bën të duhurën për zbatimin e plotë të Marrëveshjes së Stabilizim-Asoccimit.
“E mirëpres marrjen e kryesimit të Këshillit të Bashkimit Evropian nga Bullgaria mike, e cila jam i bindur se do të fokusohet në përafrimin e Ballkanit Perëndimor me BE-në. Në këtë kontekst, pres që Bullgaria të jetë edhe zë i Kosovës në strukturat e Bashkimit Evropian. Republika e Kosovës po e bën të duhurën në zbatimin e plotë të MSA-së dhe që këtë vit të aplikojë për statusin e vendit kandidat në BE. Besojmë palëkundshëm në mbështetjen bullgare në këto procese. Bullgarisë i dëshiroj lidership të suksesshëm gjatë kryesimit të Këshillit të BE-së”, ka shkruar kryeministri Haradinaj.
