Kryetari i komunës së Ferizajt, z. Agim Aliu përmes një postimi në llogarinë e tij në Facebook, ka përkujtuar 26 vjetorin e një prej betejave më të lavdishme të luftës sonë çlirimtare, Betejën e Koshares, si dhe 9 prillin – Ditën e Kushtetutës.
Postimi i kryetarit Aliu
Kosova themel të lirisë së saj ka luftën tonë çlirimtare, me prijëtare drejt shtigjeve të lirisë – emblemën e krenarisë e lavdisë kombëtare, Ushtrinë Çlirimtare të Kosovës.
Sot shënojmë 26 vjetorin e një prej betejave më të lavdishme të luftës sonë çlirimtare, Betejës së Koshares, betejës që shembi përgjithmonë kufirin shqiptaro-shqiptar e lirisë së Kosovës i dha vulën e fitores me gjakun e heronjve, dëshmorëve, martirëve e luftëtarëve të frontit të Koshares.
Kosova e pavarur, shtetësia e Kushtetuta e Republikës së Kosovës që sot shënon ditëlindjen e 17-të , buroi nga lufta çlirimtare, nga betejat e lavdisë e krenarisë kombëtare, buroi nga gjaku i dëshmorëve, martirëve e luftëtarëve të lirisë, për të përmbushur amanetin e dëshmorëve e martirëve për Kosovën e lirë, Kosovën Republikë, Kosovën shoqëri e vlerave demokratike.
Duke kujtuar Dëshmorët e Kombit, lavdinë e luftës heroike të Ushtrisë Çlirimtare të Kosovës, festojmë sot Ditën e Kushtetutës!
Lavdi Dëshmorëve të Kombit dhe të rënëve për liri!
Urime Dita e Kushtetutës së Republikës së Kosovës!
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
