Kryetari Aliu ka ngushëlluar familjen Thaçi me rastin e vdekjes së Haxhi Thaqit, babait të presidentit të Kosovës, Hashim Thaçi

18/03/2025 Institucionet

Kryetari i komunës së Ferizajt, z. Agim Aliu përmes faqës së tij zyrtare në facebook ka ngushëlluar familjen Thaçi me rastin e vdekjes së Haxhi Thaqit, babait të presidentit të Kosovës, Hashim Thaçi.

Në telegramin e ngushëllimit thuhet:

Me dhembje e pikëllim mora lajmin për ndarjen nga jeta të babait të liderit historik të Kosovës, themeltarit të lirisë e shtetësisë së Kosovës, prijësit të luftës sonë çlirimtare, kryetarit historik të Partisë Demokratike të Kosovës, Kryeministrit e Presidentit të Kosovës, Hashim Thaçi.

Baca Haxhi mbylli sytë përgjithmonë, me mallin për të birin, që padrejtësisht i është privuar liria, për të cilin luftoi e sakrifikoi vet ai dhe familja e tij.

Pusho në paqen e parajsës së paskaj, baca Haxhi, atdhetar e prind shembullor, ti që nuk të lëkundën sakrifica të panumërta për Kosovën, ti që i dhe Kosovës themeltarin e lirisë, pavarësisë e shtetësisë sonë, Presidentin Hashim Thaçi.

Ngushëllime të sinqerta familjes së respektuar Thaçi, bashkëveprimtarëve në Partinë Demokratike të Kosovës, miqve e të njohurve të të ndjerit.

Dritë pastë shpirti i tij fisnik!

Kontrolloni gjithashtu

Kryetari Ramosaj priti në takim Komandantin e KFOR-it, Komanda Rajonale Perëndim, Kolonelin Francesco Erricon

Kryetari i Komunës së Deçanit, z. Bashkim Ramosaj ka pritur në takim Komandantin e KFOR-it …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara