Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i komunës së Ferizajt Agim Aliu, ka pritur në takim, Ministrin e Kulturës, Rinisë dhe Sportit, Hajrulla Çeku, me bashkëpunëtoret e tij, për të diskutuar projektet ekzistuese si dhe projektet e reja mes Komunës së Ferizajt dhe Ministrisë së Kulturës, Rinisë dhe Sportit, projekte këto që natyrshëm, do të marrin drejtimin e duhur, për t’i sjellë Ferizajt infrastrukturën e nevojshme kulturore, sportive e rinore. Gjatë këtij takimi është dakorduar që bashkë t’i koncentrojnë kapacitetet institucionale, për të kryer studimet e nevojshme, analizën e duhur, që projekte të rëndësisë së veçantë siç është Stadiumi i Ri Futbollistik “Ismet Shabani”, pishinat gjysmë olimpike, restaurimet e objekteve të trashëgimisë kulturore si edhe projektet që tashmë janë në fazë të avancuar të punimeve si Pallati i Kulturës, Qendra e Panaireve dhe Sporteve në Greme e të tjera të marrin drejtimin e duhur ligjor e institucional, për t’u jetësuar.
