Kryetari Aliu nga tubimi i PDK-së në Ferizaj: Ora e fitores po afron, koha për Kosovën më të mirë vuloset më 9 shkurt

12/01/2025 Institucionet

Kryetari i komunës së Ferizajt, Agim Aliu të dielën në tubimin e Partisë Demokratike të Kosovës në Ferizaj është shprehur se ora e fitores po afron.

Ai tha se koha e Partisë Demokratike të Kosovës ka ardhur dhe siç u shpreh ai, koha për Kosovën më të mirë vuloset më 9 shkurt.

“Sot Ferizaj e tha zëshëm fjalën e tij për 9 shkurtin, Partia Demokratike e Kosovës me Bedri Hamzën kryeministër. Të dashur ferizajas ora e fitores po afron, kumti i triumfit tonë po shpërndahet në kapilarët e gjithë vendit anë e kënd”.

“Koha e Partisë Demokratike të Kosovës ka ardhur, koha për Kosovën më të mirë vuloset më 9 shkurt, ku bashkë si sonte me mijëra do të festojmë. E gjithë Kosova e njeh fuqinë e Partisë Demokratike të Kosovës, kur lëviz përpara Partia Demokratike e Kosovës, lëviz përpara edhe zhvillimi i Kosovës”, u shpreh ai.

Tutje, Aliu th se Ferizaj është shembulli më tipik i qeverisjes së Partisë Demokratike të Kosovës.

“Ferizaj e qytetarët e gjithë Kosovës nuk kanë kohë më të presin, nuk durojnë stagnimin, nuk pranojnë parakthimin. Ata tashmë mijëra sikur sonte, nga çdo anë e çdo kënd i Kosovës, njëzëri duan shpresë, duan zhvillim, duan punë reale, mirëqenie e stabilitet”.

“Koha dhe  qasja e dënimit të shtetit, e qytetarëve të tyre po numëron orët e fundit, Kosova do të rilind më 9 shkurt, e barabartë, mbështetëse, mundësiplotë e zhvillimore për të gjithë. Ferizaj është dëshmia më kuptimplote, Ferizaj është shembulli më tipik i qeverisjes së Partisë Demokratike të Kosovës”, u shpreh tutje ai.

Kontrolloni gjithashtu

“Eurofood” në Xërxë, shembull frymëzimi për suksesin

Kryetari i komunës së Rahovecit, z. Smajl Latifi me bashkëpunëtorët e tij, gjatë ditës së …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara