leoni

Kryetari Aliu ngushëllon familjen Xhemajli me rastin e vdekjes të nënës simbol i qëndresës, sakrificës, atdhedashurisë, nënës Fatime Xhemaili

24/03/2025 Institucionet

Kryetari i komunës së Ferizajt, z. Agim Aliu ka ngushëlluar familjen Xhemajli me rastin e ndarjes nga jeta të Fatime Xhemajli, nëna  e ish kryetarit të Ferizajt, z. Bajrush Xhemajli.

Në telegramin e ngushëllimit thuhet:

Me dhembje e pikëllim, mora lajmin për ndarjen nga jeta të nënës simbol të qëndresës, sakrificës, atdhedashurisë, nënës Fatime Xhemajli.

Nëna Fatime i dha Kosovës veprimtarët nga më të dalluarit të çështjes kombëtare, atdhetarët sypatrembur, i dha Kosovës Bajrush Xhemajilin, Mustafën, Emrushin, Qamilin, Mufailin, Nazifen e Lumnijen secili nga ta emra të përveçëm, të skalitur përjetësisht me kontributin e tyre në historinë e themelet e lirisë së Kosovës, kontribut e lavdiplotë për të sotmen që gëzojmë si shtet e shoqëri.

Nëna Fatime, qëndroi e palëkundur, përballë sakrificave të panumërta për dekada, heroinë e shembëlltyra më fisnike e nënës shqiptare.

Ngushëllime të sinqerta familjes Xhemajli, bashkëveprimtarëve, miqve e të gjithë të njohurve të të ndjerës.

Pushoftë në parajsën e paskaj, shpirti i saj fisnik!

Kontrolloni gjithashtu

Kryetari Rama mirëpriti në takim Kolonelin Alberto Santini

Kryetari i komunës së Prishtinës, z. Përparim Rama në kuadër të aktiviteteve të rregullta ditore …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara