Kryetari i komunës së Ferizajt Agim Aliu, i ka uruar të gjithë qytetarët e besimit Islam,ai në urimin e tij ndër të tjera ka thënë: Motra e vëllezër të besimit islam! Me mbylljen e Muajit të Shenjtë të Ramazanit dhe sot Festës së Fitër Bajramit, me sakrificën që na forcoi e devotshmërinë ndaj Krijuesit dhe bindjeve e dijeve të rrënjosura thellë ndër shekuj, për të sotmen e të nesërmen më të mirë, zemërgëzuar e shpresëplotë, me dëshirën e sinqertë për dashuri më të madhe mes njëri-tjetrit, lutje e agjërim të pranuar, mirësi që shkëlqen qenien tonë shoqërore, mbarësi e mirëqenie për ju dhe familjet tuaja, dua t’ju uroj Festën e Fitër Bajramit!
Qoftë shëndeti e dashuria, mirëqenia e gëzimet ato që prijnë jetët tona!