leoni

Kryetari Bahtiri priti drejtuesit e sindikatës së shërbyesve civil

13/07/2016 Institucionet

Drejtuesit e Federatës të Sindikatës së Administratës Publike, me në krye Ndue Kalajn, kryetar, janë pritur të mërkurën nga kryetari i komunës së Mitrovicës, Agim Bahtiri, me ç’rast kanë biseduar për mundësitë e riorganizimit të sindikatës në administratën komunale.

“Qëllimi ynë është që të kemi një organizim sa më të mirë e të fuqishëm sindikal të shërbyesve civil, në mënyrë që të mbrohen të drejtat e garantuara me ligj. Këtu në Mitrovicë ka nevojë për riorganizim sindikal dhe për aktivitete më të fuqishme, andaj edhe kemi ardhur që të bisedojmë shtruar me përfaqësuesit sindikal dhe të kërkojmë mbështetjen tuaj”, i ka thënë Kalaj kryetarit Bahtiri.

Ndërkaq, kryetari Bahtiri ju tha drejtësive të Federatës së Sindikatës të Administratës Publike se kjo sindikatë e ka pas dhe do ta ketë mbështetjen e plotë të tij, në të gjitha rastet.

“Edhe unë mendoj se riorganizimi i sindikatës në administratën komunale është i nevojshëm. Sindikata duhet të jetë më aktive lidhur me të gjitha çështjet që ju përkasin shërbyesve civil. Unë i kam mbështetur kërkesat e sindikalistëve dhe këtë do ta bëj edhe në të ardhmen”, tha kryetari Bahtiri.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara