Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Shqipërisë, Bajram Begaj, ka pritur presidencë Koordinatoren Rezidente të Kombeve të Bashkuara në Shqipëri, Fiona Mek Luney, e cila e informoi atë edhe mbi samitin që do të organizojë Sekretari i Përgjithshëm i OKB-së, Antonio Guterres. Në këtë takim kryetari Begaj ka konfirmuar se do të jetë pjesë në debatin e 78-të të Asamblesë së Përgjithshme të OKB-së, në datat 17-23 shtator. Zonja Fiona në këtë takim me kryetarin Begaj foli mbi pritshmëritë e samitit si dhe nivelin e pjesëmarrjes. Në fund të debateve dhe trajtimit të temave më të rëndësishme për të ardhmen e njerëzimit dhe të planetit, pritet që liderët pjesëmarrës të miratojnë një deklaratë politike, për të shprehur angazhimet në arritjen e objektivave të agjendës 2030. Kryetari, Bajram Begaj vlerësoi shumë pozitive dhe të ardhur në kohën e duhur nismën e Sekretarit të Përgjithshëm Guterres “Plani i Shpëtimit për Njerëzit dhe Planetin”, për përmbushjen e Objektivave për një Zhvillim të Qëndrueshëm 2030, duke shprehur vullnetin dhe përfshirjen e institucioneve shqiptare në realizimin e angazhimeve kombëtare.
