leoni

Kryetari Begaj dhe drejtori Hoti, vizituan qendrat shëndetësore në Malishevë

27/02/2020 Institucionet

Kryetari i Komunës së Malishevës, Ragip Begaj dhe drejtori i Drejtorisë për Shëndetësi dhe Mirëqenie Sociale, Liridon Hoti, i kanë vizituar disa prej qendrave dhe punkteve shëndetësore në fshatrat e Komunës së Malishevës. Ata janë njoftuar nga personeli shëndetësor me shërbimet që janë duke ofruar sidomos në këto ditë të prezencës së gripit sezonal, ku si rrjedhojë edhe numri i pacientëve është më i madh. Begaj dhe Hoti i kanë vizituar qendrat shëndetësore në Bellanicë, Kërvasari, Dragobil, Panorc, Drenoc dhe Llazicë, ku janë takuar me personelin shëndetësor dhe pacientët e rastit dhe kanë biseduar me ata për ofrimin e shërbimeve në këto qendra dhe punkte shëndetësore. Sipas personelit shëndetësor, këtyre ditëve numri i pacientëve është më i madh, për shkak të gripit sezonal, ndërsa shërbimet janë duke ju ofruar të gjithë atyre që kanë nevojë, ndërsa edhe kushtet e punës janë të mira. Po ashtu punëtorët shëndetësor dhe qytetarët, kanë paraqitur kërkesë për shqyrtimin e mundësisë për rritjen e shërbimeve shëndetësore, përkatësisht rritjen e numrit të mjekëve. Për këtë kërkesë dhe nevojë, kryetari Begaj, tha se “së bashku me udhëheqjen e QKMF-së dhe drejtorinë komunale, do ti shqyrtojnë të gjitha mundësitë për këtë çështje, në mënyrë që edhe shërbimi të jetë më afër qytetarit, por edhe të lehtësohet puna në QKMF në Malishevë, edhe pse pacientët nuk kanë barnatore nëpër fshatra, por së paku të sëmurët ta kenë shërbimin më afër”.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara