leoni

Kryetari Begaj i jep përkrahje klubit të futbollit

15/05/2018 Institucionet

Kryetar i Komunës së Malishevës, Ragip Begaj, së bashku me nënkryetarin Hajdin Berisha dhe drejtoreshën për kulturë, rini dhe sport, Besartë Kryeziu-Ramaj, i kanë pritur në një takim, ekipin e futbollit të Malishevës, të cilëve ju kanë dhënë përkrahje për të vazhduar me garat, dhe së bashku me lojtarët, objektiv për sezonin e ardhshëm e kanë caktuar hyrjen në ligën e parë të Kosovës në futboll. “Jam i kënaqur me rezultatin e juaj si klub, pasi në vitin e parë të garave në ligën e dytë, jeni renditur në vendin e tretë, edhe pse ka edhe dy javë deri në përfundimin e sezonit. Si një klub i ri, kjo është e arritur e kënaqshme dhe meritoni mirënjohje për këtë dhe unë besoj se shumë shpejt, ekipi ynë, do të jetë aty ku e vendin dhe e meriton, në ligën e parë të Kosovës. Ne si komunë, ju kemi përkrahur dhe do të vazhdojmë ta bëjmë këtë, prandaj punoni dhe mos u ndalni, sepse suksesi nuk do të mungoj”, ka thënë kryetari Begaj, duke ju drejtuar futbollistëve. “Qëllim i yni i përbashkët është që të ecim para, sepse për nga potenciali dhe talenti, ekipi ynë e meriton të garoj në Ligën e parë dhe ky është objektivi ynë, që në sezonin e ardhshëm, të ngjitemi aty ku e keni vendin”, ju ka thënë lojtarëve, nënkryetari Hajdin Berisha. Edhe drejtoresha Kryeziu-Ramaj, i ka inkurajuar futbollistët dhe ka premtuar përkrahje nga ana e Drejtorisë për Kulturë, Rini dhe Sport. Kryesia e klubit dhe lojtarët, e kanë falënderuar komunën, për përkrahjen e vazhdueshme gjatë tërë sezonit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara