Kryetari Begaj merr urime të shumta nga qytetarët

20/11/2017 Institucionet

Qytetarë të shumtë të Komunës së Malishevës dhe më gjerë, e kanë vizituar Kryetarin e Komunës së Malishevës, Ragip Begaj, me rastin e fitores në zgjedhjet e së dielës, dhe marrjen e mandatit të dytë për ta udhëhequr Komunën e Malishevës, edhe për katër vitet e ardhshme. Kryetari Begaj, i ka falënderuar të gjithë ata që e kanë vizituar, si dhe të gjithë qytetarët e Komunës së Malishevës, për besimin e dhënë.

“Ju falënderoj të gjithëve për besimin e dhënë. Unë do të vazhdoj të jem kryetar i të gjithëve, pa dallime partiake dhe të gjithë së bashku do të angazhohemi për të mirën e Komunës së Malishevës dhe për të mirën e të gjithë qytetarëve. Besimi i juaj, është obligim për mua, dhe unë do të jem në shërbimin tuaj për katër vitet e ardhshme”, ka thënë Kryetari i Komunës së Malishevës, Ragip Begaj, gjatë pritjes së qytetarëve.

Raundi i dytë i zgjedhjeve për Kryetar të Komunës së Malishevës, është zhvilluar të dielën më 19 nëntor, dhe sipas rezultateve preliminare, kryetari Ragip Begaj, ka fituar besimin e votuesve të Komunës së Malishevës, për të qeverisur me Malishevën, në katër vitet e ardhshme.

Ky është mandati i dytë i Ragip Begajt, i cili ka marrë besimin e qytetarëve, për të drejtuar Komunën e Malishevës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara