leoni

Kryetari Begaj, prezantoi katër drejtor të rinj në qeverinë komunale

01/07/2020 Institucionet

Kryetari i Komunës së Malishevës, Ragip Begaj, ka prezantuar katër drejtor të rinj të drejtorive komunale, të cilëve edhe ju ka dhënë vendimet për emërim në detyrat e tyre. Drejtorët e rinj të cilët kanë marrë detyrat, janë, Besartë Kryeziu-Ramaj, drejtore e Drejtorisë së Administratës së Përgjithshme, Rexhep Mazreku, drejtor i Drejtorisë për Kulturë, Rini dhe Sport, Ahmet Morina, drejtor i Drejtorisë së Urbanizmit dhe Hafir Rexha, drejtor i Drejtorisë për Mbrojtje dhe Shpëtim. Në ceremoninë e dhënies së detyrave për drejtorët e rinj, Kryetari i Komunës së Malishevës, Ragip Begaj, kërkoi nga ta angazhim dhe bashkëpunim të mirë, me qëllim të realizimit të detyrave që i presin. “Kërkoi bashkëpunim dhe angazhim nga ana juaj. Kemi obligime në raport me qytetarët, prandaj kërkoj shumë punë dhe shumë angazhim, që së bashku t’ia dalim në realizimin e detyrave dhe obligimeve që kemi. Ju uroj punë të mbarë dhe suksese në drejtoritë që do të drejtoni”, ka thënë mes tjerash kryetari Begaj, me rastin e dhënies së vendimeve për emërimin e tyre. Kryetari Begaj i ka falënderuar edhe ish drejtorët e deritanishëm, për punën dhe kontributin tyre në drejtimin e drejtorive komunale.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara