Kryetari Begaj, priti bashkatdhetarin Sheremet Kryeziu

05/05/2016 Institucionet

Në kuadër të takimeve me qytetarët dhe bashkatdhetarët tanë, kryetari i Komunës së Malishevës, Ragip Begaj, ka pritur sot, bashkatdhetarin Sheremet Kryeziun, i cili jeton dhe punon në Soest të Gjermanisë. Me këtë rast, kryetari Begaj, e ka falënderuar Kryeziun, për kontributin e tij dhe të bashkatdhetarëve tjerë, që jetojnë në këtë pjesë të Gjermanisë, për ndihmën në sigurimin e inventarit për shkollat tona.

“Gjatë vizitës në Gjermani, ju na keni ndihmuar jashtëzakonisht shumë, sikur dhe na keni shoqëruar gjatë tërë vizitës, dhe për këtë ju falënderoj. Ndihma që bashkatdhetarët tanë po japin, për familjet e tyre dhe për vendin në përgjithësi, është shumë e madhe dhe ne ju jemi mirënjohës për këtë”, tha kryetari Begaj. “Po ashtu gjatë vizitës së delegacionit nga Malisheva, në Soest, na keni përkrahur dhe falë kontributit të bashkatdhetarëve tanë, kemi arritur të krijojmë lidhje të mira me disa qytete të Gjermanisë”, tha kryetari Begaj.

Nga ana tjetër, bashkatdhetari Sheremet Kryeziu, tha se “është obligim i çdo qytetari, të punoj dhe të angazhohet për vendin e vet, pavarësisht se ku punon apo jeton”.  Ai e falënderoi edhe kryetarin Begaj, për vizitën dhe takimet me bashkatdhetarët gjatë vizitës në Gjermani. “Sa herë na vizitoni dhe na takoni në vendet ku jetojmë, ne ndihemi pjesë e pandashme e vendit, dhe kjo neve na shtynë të punojmë edhe më shumë për vendin dhe të japim kontributin tonë, në çdo mënyrë që kemi mundësi”, tha Kryeziu.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara