Kryetari i Malishevës, Ragip Begaj ka folur për investimet që janë bërë gjatë kohës sa ka qeverisur gjatë mandatit të kaluar

Kryetari Begaj, reagon për ndërprerjet e gjata të rrymës

23/11/2018 Institucionet

Në territorin e Komunës së Malishevës, KEDS është duke aplikuar ndërprerje të gjata dhe pa orar të energjisë elektrike, dhe rrjedhimisht janë duke shkaktuar probleme të mëdha, si në sektorin e biznesit, ashtu edhe në institucionet arsimore dhe në amvisëri. Për këto ndërprerje, ka reagua kryetari i Komunës së Malishevës, Ragip Begaj. Reduktimet, apo ndërprerjet pa orar të energjisë elektrike, janë duke shkaktuar dëme dhe probleme serioze, në institucionet shkollore, në amvisëri dhe në sektorin e biznesit. Kërkojmë nga organet përgjegjëse, që ti marrin masat e duhura për ndërprerjen e kësaj dukurie të ndërprerjeve të gjata të energjisë elektrike, për banorët e Komunës së Malishevës”, ka thënë Begaj, në reagimin e tij. Ndërprerjet e rrymës janë duke shkaktuar probleme në institucionet shkollore, duke e pamundësuar ngrohjen e  objekteve, pasi mungon uji nga sistemi ujit, si pasojë e mosfurnizimit për shkak të ndërpreve të energjisë elektrike. Përveç mungesës së ngrohjes, shkollat në disa raste mbesin edhe pa ndriçim dhe rrjedhimisht pa proces mësimor. Po ashtu edhe në amvisëri dhe në sektorin e biznesit, mungesa e energjisë elektrike, sjellë probleme të mëdha, sidomos në këtë periudhë kohore, kur dita është e shkurtër dhe nata e gjatë, ku familjet dhe bizneset mbesin pa shumë shërbime, duke filluar nga pamundësia e furnizimit me ujë për pije dhe kështu me radhë. Po ashtu, ndërprerja e energjisë elektrike, bëhet jo në përputhje me paralajmërimet që KEDS i bën, por tërësisht jashtë çdo orari, pasi paralajmërimi i ndërprerjes së rrymës, për shkak të punimeve, ka qenë nga ora 11:00 deri në ora 17:00, ndërsa në shumë vendbanime, ndërprerjet e rrymës kanë filluar nga ra 08:00 de në ora 23:00. Situatë e njëjtë, është edhe sot. “Ju bëj thirrje të gjitha institucioneve relevante, që të ndërhyjnë në rregullimin e këtij problemi, pasi kjo situatë është e papranueshme. 20 vite pas luftës, të mos kemi furnizim me energji elektrike, është gjendja më e papranueshme. Përderisa jemi të obliguar të kryejmë detyrimet në raport me shpenzimin e rrymës, edhe KEDS e KEK, janë të obliguar që të na furnizojnë rrymë”, ka thënë Begaj në reagimin e tij.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara