Kryetari Elezaj priti zyrtarët e Kompanisë “Hidrodrini”

02/02/2018 Institucionet

Çështja e furnizimit më ujë të pijshëm në qytetin e Klinës dhe fshatrat si dhe kanalizimi, kanë qenë temë e takimit në mes të kryetarit të Komunës së Klinës, Zenun Elezaj dhe përfaqësuesve të Kompanisë Rajonale “ Hidrodrini”, Agron Tigani, kryeshef  Ekzekutiv, Burim Basha, kryetar i Bordit, Skënder Veselaj, anëtar i bordit dhe Halil Berisha, udhëheqës i njësisë së Hidrodrinit në Klinë. Në këtë takim, në të cilin mori pjesë edhe drejtori i Shërbimeve Publike e Emergjente, Ibër Elezaj, zyrtarët e Kompanisë “Hidrodrini”, kanë njoftuar për gjendjen e përgjithshme të furnizimit me ujë të pijshëm në Komunën e Klinës dhe investimet që janë duke u bërë në këtë drejtim. Ndër të tjera u tha se është duke u realizuar projekti i CDI-së për furnizim me ujë të pijshëm në 7 lokalitete ku pritet edhe vendosja e pompave dhe ujëmatësit për të funksionalizuar në tërësi projektin që parashihet të kryhet në muajin mars. Kryetari Elezaj, ka treguar se kërkesat e qytetarëve për zhbllokim të kanalizimeve janë të shumta dhe duhet dilet në ndihmë. Po ashtu, ai tha se ka ankesa edhe për furnizim të rregullt me ujë në disa lokalitete. “Për çdo projekt që realizohet në Komunën e Klinës, kanalizim dhe ujësjellës, do të kërkoj garancion. Për këtë njëherësh do të kërkoj edhe përgjegjësi. E kam iniciuar një projekt për studimin e fizibilitetit për trajtimin e ujërave të zeza për të parë mundësinë e zgjidhjes së këtij problemi. Qeveria lokale është e përkushtuar që të ofrojë ujë të pijshëm për qytetarët dhe për këtë do ta keni mbështetjen tonë”, ka thënë kryetari Elezaj. U diskutua rreth cilësisë së ujit të qytetit të Klinës. Zyrtarët e “Hidrodrinit”, kanë kërkuar bashkëpunim në realizimin e projekteve të ujësjellësit dhe kanalizimeve në mënyrë që të mos dalin probleme në të ardhmen. Elezaj, premtoi mbështetje kësaj Kompanie dhe pohoi se Klina është duke shqyrtuar edhe alternativat tjera për furnizim me ujë të pijshëm.

Kontrolloni gjithashtu

Komuna e Vitisë dhe Krivo Palanka rikthejnë bashkëpunimin e mirë ndërinstitucional

Kryetari i komunës së Vitisë, Sokol Haliti, ka nënshkruar sot një marrëveshje mirëkuptimi me komunën …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara