Kryetari Haliti dhe Ministri Mustafa nënshkruajnë marrëveshje mirëkuptimi

11/02/2021 Institucionet

Kryetari i komunës së Vitisë, Sokol Haliti së bashku me Ministrin e Bujqësisë, Pylltarisë dhe Zhvillimit Rural, Besian Mustafa kanë nënshkruar një marrëveshje bashkëpunimin për realizimin e master planit për ujitjen e tokave bujqësore ku përfitues i saj do të jetë edhe komuna e Vitisë, konkretisht bujqit e kësaj komune në fshatin Skifteraj. Fillimisht për rëndësinë e këtij projekti ka folur Besian Mustafa, Ministër për Bujqësi, Pylltari dhe Zhvillim Rural i Republikës së Kosovës. Më pas në një fjalë rasti kryetari Haliti, ka theksuar rëndësinë e realizimit të këtij projekti në fushën e zhvillimit të ekonomisë, konkretisht të sektorit bujqësorë duke e cilësuar atë si makro projekt. “Ky memorandum është tepër i rëndësishëm, sepse me të në ardhmen priten ditët e mira për fermerët e Kosovës dhe për zhvillimin e bujqësisë intensive, si intencë e jona që të sjellë profitabilitet dhe punësim si dhe pengimin e gjeneratave të reja që të dalin jashtë shtetit” u shpreh Kryetari Haliti.

Kontrolloni gjithashtu

Komuna e Vitisë organizon tryezë diskutimi për aktivizimin kundër dhunës ndaj gruas

Komuna e Vitisë, përmes zyrës së kryetarit dhe Zyrës për Barazi Gjinore, ka mbajtur sot …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara