Kryetari Haliti: Është jetike që të sigurohet ujë kualitativ dhe i bollshëm për qytetarët e Vitisë

18/07/2022 Institucionet

Kryetari i komunës së Vitisë, Sokol Haliti, ka pritur sot në një takim ekspertët e Projektit për Vlerësimin Mjedisor dhe Social, Karina Zachodni dhe Pëllumb Gjinolli – ekspert për çështje Mjedisore, Vigan Behluli – ekspert për çështje Sociale, si dhe Demë Abazi – përfaqësues i N.H. “Ibër-Lepenc” Sh.A Prishtinë. Në këtë takim u diskutua rreth projektit “Projekti i Hidrosistemit Ibër Lepenc: Faza I”, që është pjesë e një studimi të detajuar që financohet nga Komisioni Evropian, në kuadër të kornizës “Infrastruktura e Projekteve në Ballkanin Perëndimorë WBIF”. Kryetari Haliti tha se, projekte të tilla janë shumë të nevojshme për komunën e Vitisë. “Ne si komunë jemi të gatshëm ta mbështesim këtë projekt, sepse kemi nevojë për furnizim të rregullt me ujë të pijes dhe shtimin e kapaciteteve, po ashtu sigurimin e ujit të pijes nga burime të sigurta, sepse nuk ka burime të mjaftueshme të ujit. Është jetike që të sigurohet ujë kualitativ dhe i bollshëm, për mbarë qytetarët e komunës së Vitisë”, u shpreh Haliti. Ky projekt ka për qëllim sigurimin e burimeve shtesë të ujit, përmirësimin e cilësisë së ujit dhe furnizimin 24 orësh, shkurtimin e shpenzimeve për KRU-të, rritjen e potencialit të zhvillimit industrial/tregtarë për furnizimin adekuat me ujë, zhvillimin e potencialit hidroenergjetik të digës së propozuar për burimet e ripërtërishme të energjisë, dhe eliminimin e ndotjes në sistemin furnizimit nga burimet e shumta të pambrojtura të ujit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara