Kryetari Haliti inspektoi disa projekte të rëndësishme

01/10/2018 Institucionet

Kryetari i Komunës së Vitisë, Sokol Haliti ka inspektuar projekte të ndryshme të cilat janë duke u realizuar me një dinamikë të shtuar në lokalitete të ndryshme të kësaj komune. Me këtë rast ai ka parë për së afërmi punimet që po bëhen në rregullimin e argjinaturave me gurë të shtratit të lumit “Morava e Binqës” në qytetin e Vitisë, që ishin dëmtuar për shkak të reshjeve atmosferike. Po ashtu kryetari Haliti, ka vizituar edhe punimet parapërgatitore që po bëhen në asfaltimin e rrugës së “Cernellit”. Në këtë vend ai inspektoi edhe punimet që po bëhen në rregullimin dhe shtruarjen me zhavorr të rrugës afër kodrës së Cernelit. Kryetari Haliti inspektoi edhe punimet që janë duke u bërë në rregullimin e një rruge që do të lidhë mes veti fshatin Gjylekar me Stubëllen e Poshtme, Godenin e deri në fshatin Stubëll e Epërme. Me këtë rast Kryetari Haliti tha se qeveria komunale e Vitisë, pos që po punon në infrastrukturën rrugore për qarkullimin më të lehtë të njerëzve po punon edhe në rregullimin e rrugëve bujqësore për të ju mundësuar bujqve vitias qasjen më të lehtë në parcelat e tyre. Kryetari Haliti me tej shtoj se ata po punojnë edhe në krijimin e një mjedisi të pastër me sa më shumë hapësira gjelbëruese për qytetarët vitias.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara