Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komunës së Vitisë, Sokol Haliti ka nënshkruar sot marrëveshje bashkëpunimi me Fondacionin Kosovë – Luksemburg në kuadër të projektit “Zhvillimi i komuniteteve”. Me këtë rast kryetari Haliti, u shpreh se bashkëpunimi në mes të komunës me këtë fondacion është i gjatë dhe ju jam mirënjohës atyre për këtë bashkëpunim. “ Kemi një bashkëpunim të gjatë dhe të mirë me Fondacionin Kosovë-Luksemburg. Unë jam falënderues për stafin menaxherial të këtij fondacioni por edhe për financuesit e saj si dhe për qeverinë e Luksemburgut dhe atë për ndihmën e vazhdueshme për rajonin sidomos për komunën e Vitisë dhe atë në shumë projekte”, u shpreh kryetari Haliti, duke përmendur në veçanti projektet të realizuara në fushën e arsimit dhe bujqësisë në këtë komunë. Kryetari Haliti gjithashtu bëri me dije se aktualisht janë pjesë e kësaj marrëveshje tri fshatra por do ti shkojnë edhe mundësisë që të përfshijnë edhe dy fshatra të tjera të cilat kanë konkurruar. Ndërkaq Izjah Ademi, përfaqësues i Fondacionit Kosovë-Luksemburg, tha se bashkëpunimi i këtij fondacioni me komunën e Vitisë është i shkëlqyeshëm duke thënë se më herët në këtë komunë janë realizuar disa projekte. Ai potencoi se shpreson se me ndihmën e kryetarit do të vazhdojnë ti përkrahin edhe 3 fshatrat.
