Kryetari Haliti nënshkruan marrëveshjen e bashkëpunimit për implementimin e Programit Nacional për Rininë

21/11/2018 Institucionet

Kryetari i Komunës së Vitisë, Sokol Haliti ka pritur në takim Rexhep Hotin, Koordinator Nacional për Kulturë, Rini dhe Sport pranë Ministrinë për Kulturë, Rini dhe Sporti të Republikës së Kosovës. Gjatë këtij takimi ata kanë nënshkruar edhe një marrëveshje bashkëpunimi për implementimin e Programit Nacional për Rini (PNR). Gjatë këtij takimi u bë me dije se ky program implementohet duke u bazuar në dokumentacionin e përpiluar nga Koordinatori Nacional për Kulturë, Rini dhe Sport dhe është gjithëpërfshirës dhe parasheh pjesëmarrjen e të gjithë nxënësve dhe studentëve të Republikës së Kosovës në garat e Diturisë, të Kreativitetit Kulturor, Mendimit Kritik dhe Sportit. Po ashtu në kuadër të këtij programi nxënësit do të garojnë në nivel shkollor, komunal dhe Republikan. Kurse studentët do të garojnë në nivelin universitar dhe republikan. Gjithashtu janë paraparë edhe garat ndërshtetërore me diasporën në Programin Ndërshtetëror për Rininë. Koordinatori Nacional për Kulturë, Rini dhe Sport pranë MKRS-së, Rexhep Hoti bëri me dije se për të rregulluar dhe funksionalizuar tërësinë e implementimit të PNR-së, Koordinatori Nacional për Kulturë, Rini dhe Sport ka përpiluar udhëzuesit dhe rregulloret përkatëse, sipas të cilave do të bëhet edhe organizimi i garave. Sokol Haliti, Kryetar i Komunës së Vitisë ndër tjerash u shpreh se për të ka një rëndësi të veçantë nënshkrimi i kësaj marrëveshje duke u zotuar se Komuna e Vitisë do të përmbush të gjitha obligimet që dalin nga marrëveshja për implementimin e PNR-së.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara