leoni

Kryetari Haliti nënshkruan memorandum bashkëpunimi me organizatën Let’s Do It Kosova”

04/01/2019 Institucionet

Kryetari i Komunës së Vitisë, Sokol Haliti ka nënshkruar një memorandum bashkëpunimi me përfaqësues të organizatës “ Let’s Do It Kosova” organizatë kjo e cila merret me ruajtjen dhe mbrojtjen e mjedisit në Kosovë. Ky memorandum i bashkëpunimit mes Komunës së Vitisë dhe Organizatës “Let’s Do It Kosova” parasheh ngritjen vetëdijes kryesisht tek nxënësit në ruajtjen e mjedisit, konkretisht realizimin e trajnimeve për nxënës të shkollave fillore dhe të mesme të ulëta, në fushën e mjedisit jetësorë. Po ashtu ajo ka për qëllim edhe ngritjen e vetëdijes ekologjike dhe përgjegjësisë mjedisore te nxënësit dhe komuniteti në përgjithësi. Kryetari i Komunës së Vitisë, Sokol Haliti ndër tjerash u shpreh se kjo komunë ka bërë shumë në largimin e deponive ilegale të mbeturinave për të cilat është vlerësuar pozitivisht jo vetëm nga qytetarët e saj por edhe nga organizatat e ndryshme të cilët merrem me mbrojtjen e mjedisit. Haliti tha se shumë deponi ilegale pos që janë larguar ato janë shndërruar edhe në hapësira gjelbëruese për të gjithë qytetarët. Ai shtoj se pas aksioneve të shumta të pastrimit është e domosdoshme të ngritët vetëdija e qytetarëve në veçanti tek grupmoshat e reja që të ruajnë mjedisin. Ndërkaq sipas memorandumit punët mes Komunës së Vitisë dhe organizatës “Let’s Do It Kosova” do të koordinohen në bashkëpunim me Drejtorinë Komunale të Arsimit në Viti. Kurse fushatat vetëdijesuese në shkollat e kësaj komune si dhe rivitlaizimi i hapësirave të jashtme shkollore do të bëhet përmes bashkëfinancimit të Komunës me këtë organizatë. Përndryshe në nënshkrimin e këtij memorandumi kanë marrë pjesë edhe Besnik Shabiu nga Organizata “Let’s Do It Kosovo” dhe Fatbardha Emini, Drejtoresh e Arsimit në Viti, e cila mirëpriti nënshkrimin e këtij memorandumi dhe u shpreh se kjo drejtori është e gatshme të punoj në këtë drejtim. I pranishëm në këtë takim ishte edhe Veton Ademi, Koordinator I këtij projekti për Komunën e Vitisë i cili po ashtu udhëheq edhe Drejtorinë për Bujqësi, Pylltari dhe Zhvillim Rural.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara