Kryetari Haliti nënshkruan një memorandum bashkëpunimi me kryetarin e komunës së Tearcës-Maqedoni e Veriut

16/11/2023 Institucionet

Kryetari i komunës së Vitisë, Sokol Haliti është pritur sot në takim nga z. Nuhi Neziri, kryetar i komunës së Tearcës nga Republika e Maqedonisë së Veriut. Gjatë këtij takimi dy kryetarët kanë nënshkruar një memorandum bashkëpunimi në mes komunës së Vitisë dhe asaj të Tearcës. Sipas këtij dokumenti,  memorandumi i bashkëpunimit ka për qëllim bashkëpunimin ndërkombëtarë të qëndrueshëm ndërmjet komunës së Vitisë dhe të Tearcës. Gjithmonë sipas këtij dokumenti në kuadër të këtij bashkëpunimi ndërkombëtar,  do të realizohen objektivat e parapara në kuadër të fushave të partneritet të qëndrueshëm në fushën e kulturës, rinisë, sportit, zhvillimit mjedisor, ekonomik, bujqësorë dhe të tjerë.  Sipas memorandumit në fjalë dy kryetarët janë zotuar edhe për inicimin dhe zbatimin e projekteve të përbashkëta në zhvillim ekonomik, mbrojtjen e mjedisit por edhe të shkëmbimit të përvojave në fushën e zhvillimit të bujqësisë, menaxhimit të mbeturinave, menaxhimin dhe mbrojtjen nga përmbytjet si dhe fushat të tjera që janë në interes të qytetarëve të komunës së Vitisë dhe të Tearcës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara