leoni

Kryetari Haliti priti në takim Ekipin për Monitorim dhe Ndërlidhje të KFOR-it amerikan

19/07/2022 Institucionet

Kryetari i komunës së Vitisë, Sokol Haliti, në takim me Ekipin për Monitorim dhe Ndërlidhje të KFOR-it amerikan (LMT) në Viti, kanë bashkëbiseduar për zhvillimet e gjithëmbarshme në këtë komunë. Përfaqësuesit ushtarak të KFOR-it, kanë shfrytëzuar rastin për ta falënderuar kryetarin Haliti për bashkëpunimin dhe kujdesin e vazhdueshëm që në aktivitete të ndryshme që zhvillohen brenda komunës, ekipet e KFOR-it të jenë prezent, e veçanërisht për ditën e mërgimtarëve e cila mbahet me 1 gusht. Ndërkaq, kryetari Haliti tha se në kuadër të aktiviteteve të shumta kulturore, artistike, letrare e të tjera që organizohen për nderë të bashkatdhetarëve tanë, është edhe 1 gushti – dita e mërgimtarëve. “Në këtë ditë, e cila organizohet pikërisht për qytetarët tanë të cilët punojnë dhe veprojnë në shtetet e huaja, e të cilëve iu jemi çdoherë falënderues, natyrisht që jeni të mirëseardhur edhe ju si ekip monitorues në Viti,  të jeni pjesë e këtij aktiviteti”, tha Haliti. Ai më tej theksoi se komuna e Vitisë, do të vazhdojë bashkëpunimin e shkëlqyeshëm me KFOR-in amerikan, pasi që kjo është në interes të të gjithë qytetarëve vitias pa dallime.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara