Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i komunës së Vitisë, Sokol Haliti, ka pritur sot në takim përfaqësues të Forcës së Sigurisë së Kosovës (FSK) në krye me Toger Aldi Blyta. Gjatë këtij takimi ata kanë bashkëbiseduar rreth zhvillimeve e gjithëmbarshme në komunën e Vitisë, për gjendjen e sigurisë si dhe për përgatitjet e komunës në raste emergjente, përfshirë këtu edhe të fatkeqësive natyrore. Në këtë takim kryetari Haliti, i ka njoftuar ata lidhur me bashkëjetesën dhe harmoninë ndër etnike dhe ndër fetare në këtë komunë. Ai po ashtu i njoftoj ata edhe me aktivitetet e komunës, jo vetëm në fushën e sigurisë por edhe të projekteve të ndryshme që kanë për synim përmirësimin e jetës së gjithë qytetarëve pa dallime. Kryetari Haliti theksoi edhe bashkëpunimin që ka kjo komunë me institucione të ndryshme në fushën e sigurisë duke përmendur edhe bashkëpunimet me institucionet jashtë Kosovës dhe ndihmës që ata kanë dhënë për Vitinë, në veçanti për Zjarrfikësit dhe sektorin e Emergjencave të cilët jo vetëm që e mbulojnë territorin e komunës së Vitisë por shpeshherë edhe të komunës fqinje, Kllokotit.
