Kryetari Haliti priti në takim përfaqësues të Shoqatës së Bizneseve Shqiptare nga Turqia, të cilët shprehën interesimin të investojnë në Viti

24/10/2024 Institucionet

Kryetari i Komunës së Vitisë, Sokol Haliti, ka pritur të enjtën në një takim zyrtar përfaqësues të Shoqatës së Bizneseve Shqiptare nga Turgutlu i Turqisë të përbërë nga Eyüp Örbilen dhe Ibrahim Gökdere.

Gjatë këtij takim ata diskutuan mbi mundësitë e bashkëpunimit ekonomik mes afaristëve turq dhe atyre vitias, si dhe mundësive për investime turke në këtë komunë.

Kryetari Haliti shprehu gatishmërinë e komunës së Vitisë për të krijuar parakushte sa më të mira për investitorët, duke theksuar rëndësinë e zhvillimit ekonomik për përmirësimin e mirëqenies së qytetarëve, në veçanti të parandalimit të ikjes të rinjve në mërgim për shkak të papunësisë.

Delegacioni turk, shprehu interes të veçantë për sektorë të ndryshëm të ekonomisë, në veçanti në fushën e industrisë së prodhimit, bujqësisë dhe përpunimit.

Ata vlerësuan potencialin ekonomik të Kosovës në veçanti të Vitisë duke bërë me dije se kjo shoqatë ka afaristë të shumtë të cilët janë të gatshëm të vijnë të investojnë në Viti.

I pari i Vitisë, theksoi se investimet e mundshme nga afaristët shqiptarë në Turqi do të ndihmojnë në krijimin e vendeve të reja të punës dhe në forcimin gjendjes ekonomike duke e bërë Vitinë edhe më tërheqëse për investitorët e huaj. Në fund të takimit, palët u pajtuan për të vazhduar bashkëpunimin e ndërsjellët. Përndryshe komuna e Vitisë ka një bashkëpunim me komunën Turgutlu nga Turqi me të cilën më parë kishte nënshkruar edhe një marrëveshje bashkëpunimi në sferën e bujqësisë, arsimit, kulturës, sportit, turizmit dhe tregtisë.

Kontrolloni gjithashtu

Zyrtarët komunal po trajnohen rreth mënyrave të inspektimit

Në kuadër të projektit të USAID-it “Aktiviteti qeverisja e pronës”, sot në Viti po mbahet …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara