Kryetari Haliti priti në takim Prof. Rainer Waldhardt, bisedoi rreth mundësisë për vazhdimin e bashkëpunimit Viti-Kirchhain

14/02/2020 Institucionet

Kryetari i Komunës së Vitisë, Sokol Haliti ka pritur në takim Profesorin nga Universiteti i Gizenit të Gjermanisë, Rainer Waldhardt, që njëkohësisht është edhe përfaqësues në komunën e Kirchhain-it me të cilën Komuna e Vitisë ka bashkëpunim në kuadër të agjendës 2030 për Zhvillim të Qëndrueshëm të Asamblesë së Kombeve të Bashkuara. Gjatë këtij takimi ka marrë pjesë edhe Profesor Arben Mehmeti, nga Universiteti “Hasan Prishtina” dhe është folur për mundësitë e bashkëpunimit të Komunës së Vitisë me Komunën Kirchhain të Gjermanisë. Kryetari Haliti ndër tjerash e ka çmuar lartë bashkëpunimin e Komunës së Vitisë me Kirchhainin e Gjermanisë por edhe bashkëpunimin e fshatit Smirë me fshatin Kleinselheim të kësaj komune gjermane me të cilën janë realizuar edhe projekte të dy fshatrat që janë partnere. Ai potencoi se këtë bashkëpunim të mirë kjo komunë është e interesuar të vazhdoj edhe në projekte të tjera në veçanti në fushën e menaxhimit të mbeturinave dhe të planifikimit. Ndërkaq edhe Prof. Waldhardt u shpreh se ata janë të interesuar të bashkëpunojnë mes veti duke potencuar se do të shikojnë mundësitë e bashkëpunimit në mes të dy vendeve. Ai potencoi se do të loboj edhe tek ndërmarrjet gjermane me qëllim që ato të shikojnë mundësitë e investimeve në këtë komunë si në menaxhimin e mbeturinave, planifikimin urban dhe komunal ashtu edhe në përdorimin e energjisë alternative të pastër. Përndryshe në këtë takim kanë marrë pjesë edhe persona të tjerë të cilët janë të përfshirë në këtë bashkëpunim.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara