Kryetari Haliti priti në takim Profesorin gjerman, Waldhardt u bisedua rreth konkretizimit të projekt propozimeve mes komunave Kirchhhain dhe Viti

29/06/2023 Institucionet

Kryetari i Komunës së Vitisë, Sokol Haliti me bashkëpunëtor ka pritur në takim Profesorin nga Universiteti i Gizenit të Gjermanisë, Rainer Waldhardt, që njëkohësisht është edhe përfaqësues në komunën e Kirchhain-it me të cilën Komuna e Vitisë ka nënshkruar marrëveshje të binjakëzimit. Në këtë takim ka marrë pjesë edhe Profesor Arben Mehmeti, nga Universiteti “Hasan Prishtina”, ku është folur për zbatimin e marrëveshjes së nënshkruar mes Vitisë dhe Kirchhainit, saktësisht rreth fillimit të realizimit të projekt propozimeve në fushën e menaxhimit të mbeturinave organike apo bujqësore por edhe për shkëmbimet e mundshme kulturore në mes të dy komunave. Me këtë rast kryetari Haliti,e  ka falënderuar Prof. Waldhardt dhe komunën Kirchhain,  që edhe ata kanë shprehur gatishmërinë e bashkëpunimit, duke u zotuar se Vitia do të bëjë çmos që projekt propozimet të realizohen në interes të dy komunave. Ai tha se marrëveshja e binjakëzimit pos nënshkrimit të dy kryetarëve ka marrë edhe përkrahjen me shumicë votash nga Kuvendit Komunal i Vitisë gjatë këtij viti, duke shtuar se e mirë është që kjo marrëveshje është përkrahur edhe nga Institucionet në Krichhain përmes votimit. Përndryshe Prof. Walthardt u shpreh se ata po shikojnë hapa konkrete të bashkëpunimit në fushat e lartpërmendura duke shtuar se do të këtë edhe shkëmbime të përvojave dhe vizita të ndërsjellat në dy komunat. Ai potencoi se dy komunat do të shkruajnë nga një letër interesimi dhe propozim projekte me të cilët do të ju drejtohen institucioneve gjermane për përkrahje. Përndryshe në këtë takim kanë marrë pjesë edhe persona të tjerë të cilët janë të përfshirë në këtë bashkëpunim.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara