Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i komunës së Vitisë, Sokol Haliti, ka vizituar punimet e fazës së dytë në rrugën “Kongresi i Manastirit”, ku janë duke vazhduar punimet në asfaltim si dhe punimet te sheshi “Calmy Rey”, në qytetin e Vitisë. Me këtë rast kryetari Haliti tha se me këto punime po shkojmë drejtë përfundimit të kësaj rruge. “Qyteti ynë ditë pas dite po merr pamje evropiane. Hap pas hapi po shkojmë drejtë përfundimit të kësaj rruge, e cila është e një rëndësie të veçantë për qytetin e Vitisë, ku do të krijohen hapësira të reja për parkim të mjeteve motorike, trotuare dhe qytetarët do të lëvizin lirë dhe të sigurt”, u shpreh Haliti. Përndryshe ky projekt po financohet kryesisht me mjetet që komuna e Vitisë ka përfituar nga granti i performancës komunale.
