Kryetari Haliti takohet me ministrin Abrashin

18/06/2020 Institucionet

Kryetari i Komunës së Vitisë Sokol Haliti gjatë takimit me ministrin e Infrastrukturës Arban Abrashi ka marr premtime nga ky i fundit se çështja e kyçjes së Vitisë në autostradën “Arbën Xhaferi” në fshatin Gërlicë do të merr së shpejti një epilog të ri. Abrashi, sipas kryetarit Haliti do të rikthej vendimin për nisjen e punimeve nga kompania “Bechtel and Enka”, e cila ishte në prag të nisjes së punimeve kur në emër të “Gjakderdhjes financiare” Qeveria Kurti e anuloi vendimin për nisjen e këtyre punimeve në muajin mars të këtij viti, me çka Vitia mbeti sërish pa kyçjen natyrale e kërkuar prej vitesh. Sipas Abrashit, Qeveria Hoti pritet që ti rikthehet negociatave me kompaninë “Bechtel and Enka” për të bërë të mundur nisjen sa më parë të punimeve për kyçjen e Vitisë në autostradën Prishtinë-Shkup. Shfuqizimi i vendimit për nisjen e punimeve për ndërtimin e dy kyçjeve të reja, në Ferizaj, Gërlicë – Viti dhe mbikalimit në Paldenicë – Hani i Elezit nga “Bechtel-Enka”, ishte bërë në mbledhjen e Qeverisë Kurti të datës 06 mars 2020. Ky vendim i Qeverisë Kurti kishte zhgënjyer tej mase qytetarët e Vitisë, ndaj të cilit reaguan ashpër shoqëria civile, shoqatat e bizneseve dhe subjektet politike.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara