leoni

Kryetari Haliti uron për festën e Zojës së Madhe, shpreh keqardhje që kremta kaloi me pak besimtarë

16/08/2020 Institucionet

Kryetari i Komunës së Vitisë, Sokol Haliti, ka uruar klerin dhe besimtarët krishterë me rastin e festës së njohur si Zoja e Madhe në Letnicë, me dëshirën, para së gjithash për qetësinë dhe fisnikërinë e shpirtit. Ai ka thënë se rastet e festave duhet t’i shfrytëzojmë për lutje e urata. “Shfrytëzoj rastin që në këtë kohë jo të zakonshme të uroj shumë dashuri, harmoni e solidaritet midis njerëzve. Festat dhe çdo datë e shënuar, le të na shërbejmë që të reflektojmë respekt e mirënjohje të ndërsjellë”, ka thënë kryetari Haliti. Kryetari Haliti ka shprehur keqardhjen e tij dhe të institucioneve komunale që besimtarët nuk kanë mundur të marrin pjesë sa e si duhet në festë dhe në meshën qendrore që u mbajt sot në kishën e fshatit Letnicë, shkaku i gjendjes së cenuar epidemiologjike në Kosovë. “Në festën e të Ngriturit të Zojës në Qiell, në Letnicë nuk është lejuar pjesëmarrja e besimtarëve, por mesha dhe ritet fetare janë mbajtur vetëm nga personeli kishtar, duke ua mundësuar besimtarëve që ato t’i përcjellin vetëm virtualisht. Për fat të keq njëjtë ka ndodhur edhe me festat e besimeve tjera”, ka thënë Haliti. Ai ka falënderuar klerin katolik dhe besimtarët për mirëkuptimin e treguar karshi situatës me pandemi si dhe mekanizmat përkatës komunal për mbajtjen e rendit dhe ofrimin e shërbimeve adekuate, në mënyra që festa të kalojë si duhet.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara