Kryetari Haliti vizitoi punimet e shumta në projektin e Efiçencës së Energjisë në shkolla dhe Qendrën për Punë Sociale

19/03/2025 Institucionet

Në kuadër të Projektit nga Fondi i Kosovës për Efiçencën e Energjisë (FKEE), në objektet e ndryshme komunale, si Qendra për Punë Sociale dhe shkolla, po zhvillohen punime të ndryshme. Me këtë rast, kryetari i komunës së Vitisë, Sokol Haliti, i shoqëruar nga drejtoresha e Arsimit, Arta Ajeti, dhe zyrtari komunal Xhelal Musa, vizituan nga afër punimet në objektin e Qendrës për Punë Sociale (QPS) në Viti, si dhe në shkollat e Sadovinës të Jerlive dhe Buzovik.

Sipas zyrtarit komunal, Xhelal Musa, investimet po realizohen në kuadër të projektit për Efiçencën e Energjisë. Ai shpjegoi se, në Sadovinë të Jerlive, ky projekt përfshin punime në kulmin e shkollës, izolimin dhe suvatimin e saj, ndërrimin e dyerve dhe dritareve, si dhe përmirësimin e ndriçimit dhe ngrohjes.

Po ashtu, në shkollën e fshatit Buzovik pritet të punohet në izolimin dhe suvatimin e objektit shkollor, ndërrimin e dyerve dhe dritareve të jashtme, renovimin e ngrohjes qendrore dhe përmirësimin e dyshemesë.

Ndërkohë, në objektin e QPS-së, parashikohet të bëhen punime në izolimin dhe suvatimin e tij, ri-kulmin, ndërrimin e dyerve dhe dritareve, vendosjen e një kaldaje me pelet dhe renovimin e depos dhe ndriçimit.

Përveç këtyre punimeve, në kuadër të këtij projekti do të realizohen edhe investime në dy shkolla të tjera të komunës së Vitisë.

Kontrolloni gjithashtu

Në Nagac u përkujtuan dëshmorët dhe Martirët e Lirisë në 26 vjetorin e përjetësimit

Të mërkurën kryetari i komunës së Rahovecit, z. Smajl Latifi, bashkë me familjarë, bashkëluftëtarë të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara