Kryetari Haliti vizitoi punimet në terren

09/03/2023 Institucionet

Kryetari i komunës së Vitisë, Sokol Haliti, ka vizituar punimet në teren. Fillimisht ai ka vizituar fshatin Stubëll ku janë duke vazhduar punimet e fazës së dytë, në ndërtimin dhe asfaltimin e rrugës “Anton Çeta” deri te rruga “Sejdiu”, i cili është projekt i vitit të kaluar. Po ashtu, kryetari Haliti ka vizituar fshatin Kabash dhe Buzovik, ku janë duke u rregulluar rrethojat e fushave sportive në oborret e shkollave. Ndërsa, në rrugën “Kongresi Manastirit” është duke u punuar në fazën e dytë, ku janë duke u rregulluar trotuari dhe ndriçimi publik. Me këtë rast, kryetari Haliti u shpreh se institucionet komunale të Vitisë, vazhdimisht janë duke u kujdesur që projektet të cilat janë në punim e sipër të kryhen sa më parë dhe të fillojnë projektet e tjera të parapara për këtë vit për përmirësimin e kushteve dhe jetës së qytetarëve vitias pa dallime. Punime të tilla në rregullimin e infrastrukturës janë duke vazhduar edhe nëpër shumë lokalitete të tjera të komunës së Vitisë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara