Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas deklaratës së kryeministrit Albin Kurti, i cili ka thënë ka pasur rritje të buxhetit të shtetit dhe se kjo është përkthyer në punësim të shtuar, ka reaguar kryetari i AAK, Ramush Haradinaj, ka akuzuar Qeverinë Kurti se po i mashtron qytetarët me shifrat për zhvillim ekonomik. Ai e ka pyetur kryeministrin Albin Kurti se pasi paska rritje të buxhetit për 35 për qind, pse s’po i rrit pagat e pensionet për 25 për qind. Agjencia e Statistikave që është pjesë e zyrës së kryeministrit të ka treguar që 211 mijë e 749 qytetarë e kanë braktisë Kosovën për 4 vite sa ti ke qeverisë. Nëse flet me të rinj, shumë prej tyre janë duke aplikuar dhe duke u përpjekur që të ikin. Nuk ke asnjë ide asnjë koncept me ndihmuar vendin përveç populizmit, fjalëve të bukura dhe veprimeve boshe. Mos abuzo me statistika e mos mashtro. Me trendët që i ke nuk besoj që të duhet fitorja në zgjedhje. Nuk përfiton Kosova e jam i sigurt që as ti, sepse ‘zullumi këputet për së trashi’ thotë populli”, ka shkruar Haradinaj në një postim të tij.
