Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i AAK-së, Ramush Haradinaj, në një intervistë për Radion-Evropa e Lirë, ka paralajmëruar LDK-në se do ta rrëzojë Avdullah Hotin nga posti i kryeministrit nëse nuk bëhet kryetar i Kosovës. Aleanca është para dy zgjidhjeve, të dyja shumë të vështira. E para është që të vazhdojë të jetë pjesë e pushtetit dhe e vendimmarrjes, por ta kushtëzojë me marrjen e një pozicioni vendimmarrës të presidentit, edhe ajo është logjika sipas tij, sepse Këshilli Drejtues i AAK-së i ka dhënë autorizim të negociojë edhe për çështjen e presidentit, me qëllim që ne të mos përjashtohemi nga tavolina e marrjes së vendimeve. Pra, ne nuk rrisim pushtet me marrjen e presidentit, por ne vetëm ruajmë mundësinë e të qenit në tavolinë aty ku merren vendimet. Ai thotë se LDK-ja nuk ka ambicie që ta marrë këtë post. Ish-kryeministri Mustafa nuk ka shprehur ambicie për postin e presidentit. Haradinaj, ka thënë me këtë rast se shpreson në mirëkuptim edhe nga PDK-ja. Haradinaj, vit më parë kishte ka dhenë dorëheqje nga posti i kryeministrit për shkak se ishte ftuar nga Prokuroria e Gjykatës Speciale, ndërsa tani po me të njëjtin status, duke qenë ende në listë të Gjykatës së Hagës pranon të bëhet kryetar i Kosovës.
