Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i BDI-së, Ali Ahmeti ka folur edhe për “Ballkanin e Hapur”, dhe rolin e shteteve në këtë bashkësi rajonale. Ai tha se “Platforma e “Ballkanit të Hapur” është ide e hapur. Vjen e merr atë që të duhet. Qytetarët duhet të kenë qasje të lirë. Për këtë ndërmarrje pikat e marrëveshjes mes disa shteteve janë shumë më të rëndësishme dhe të pranueshme për BE dhe SHBA-në. Nuk mendoj se Kosova humb diçka nëse është pjesë e ‘Ballkanit të Hapur’” ka thënë Ahmeti. Ai ka komentuar edhe deklaratën e kryeministrit Albin Kurti, për “Ballkanin e Hapur”. “Problemi i Kosovës nuk është problem vetëm i Kosovës. Është problem i rajonit dhe botës. Të gjithë duhet të gjejmë zgjidhje për një problem të përbashkët. Serbia po angazhohet që të pengojë njohjet e reja për Kosovën por edhe po punon për të ndodh ç’njohjet e shteteve tjera për Kosovën. Ky veprim po e tensionon gjendjen dhe situatën. Duhet gjetur në një tavolinë të përbashkët një mekanizëm që i qetëson dhe qartëson problemet që i kemi si rajon. Unë mendoj se “Ballkani i Hapur” është një mekanizëm shumë i mirë. Kur futemi në një sallë, secili e njeh identitetin e njëri tjetrit” tha Ahmeti, i pyetur për pjesëmarrjen e Kosovës në Ballkanin e Hapur, që po mbahet sot dhe nesër, në Ohër.
