leoni

Kryetari i Ferizajt, Agim Aliu priti në takim zv. ministrin e Arsimit, Shkencës dhe Teknologjisë, Azem Guri

06/06/2018 Institucionet

Kryetari i Komunës së Ferizajt, Agim Aliu i shoqëruar edhe nga drejtori i Drejtorisë së Arsimit, Afrim Llabjani, ka pritur në takim zëvendësministrin e Arsimit, Shkencës dhe Teknologjisë, Azem Guri. Në këtë takim u diskutua për sfidat e arsimit në nivel lokal me theks të veçantë procesin e mbajtjes së pjesës së dytë të Testit të Maturës Shtetërore, Testin e Arritshmërisë, problemet teknike në shkollat e Komunës së Ferizajt si dhe sukseset e shënuara gjatë kësaj periudhe 6 mujore të qeverisjes. Kryetari i Komunës së Ferizajt, Agim Aliu falënderoi për vizitën zv.ministrin Guri duke theksuar se Komuna e Ferizajt ka nevojë të domosdoshme të mbështetet nga MASHT-i, sidomos sa i përket përmirësimit të infrastrukturës shkollore dhe ndërtimit të kapaciteteve të reja në këtë sektor. Drejtori i Drejtorisë së Arsimit, Afrim Llabjani, në këtë takim paraqiti një pasqyrë të plotë të gjendjes në arsimin lokal, duke potencuar rëndësinë e mbështetjes nga ana e MASHT-it me projekte të ndryshme kjo përshkak të borxheve të mëdha dhe sfidave të tjera me të cilat ballafaqohet arsimi lokal. Edhe zv. Ministri Guri u zotua se sa i përket projekteve të kësaj fushe, Komuna e Ferizajt është në agjendën e Ministrisë së Arsimit, Shkencës dhe Teknologjisë për investime. Më tutje, zv. ministri Guri u shpreh i gatshëm të ndihmoj komunën tonë në çdo projekt me impakt direkt në përmirësimin e cilësisë në arsim. Çështje ndër kryesoret që u diskutua në këtë takim ishte edhe ndërtimi i shkollës së mesme profesionale, për të cilat Kryetari i Ferizajt, Agim Aliu njoftoi se sa i përket institucionit të Komunës, është i vendosur që me dinamikë dhe efikasitet të përfundoj procedurat që i përkasin nivelit lokal.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara