Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyrtarisht bëhet e ditur se kryetari i Francës, Emannuel Macron, më 17 korrik 2020 planifikon të organizojë një samit, në Paris, kur do të bisedohet për raportet, Kosovë-Serbi. Mbajtja e një takimi të tillë gjermano-francez kishte dështuar më 1 korrik të vitit të kaluar, për shkak të taksës 100 për qind që kishte vendosur Kosova ndaj mallrave me origjinë nga Serbia. Asokohe me gjithë kërkesën e Francës dhe Gjermanisë, ish-kryeministri Haradinaj pati refuzuar ta hiqte taksën. Ndërkaq ish-shefen e BE-s për Politikë të Jashtme, Federica Mogherini, e kishte akuzuar se bashkë me Ramën, Thaçin e Vuçiqin janë angazhuar për ndarjen e Kosovës. Tani, pasi administrata e kryetarit amerikan, Donal Trump ka marrë përsipër të ndërmjetësojë dialogun Kosovë-Serbi, Bashkimi Evropian dhe veçmas Franca e Gjermania, nuk po pajtohen që rolin udhëheqës në bisedime ta ketë Uashingtoni zyrtar, i cili edhe mund të arrijë një marrëveshje, të cilën Evropa nuk do ta pëlqente, por edhe nuk do të mund ta ndalonte. Sa i përket Kosovës dhe çështjes së pazgjidhur shqiptare, në Ballkan, Franca përfaqëson politikën standarde të Kongresit të Versajës së vitit 1918, ndërsa Gjermania atë të Kongresit të Berlinit, të vitit 1878.
