Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Grupit Parlamentar të PDK-së, Abelard Tahiri, ka thënë se është e rëndësishme që si deputetë të Kuvendit të themelojnë komisionin hetimor parlamentar për kontratat njëburimore. Ai ka kritikuar ministrat e qeverisë “Kurti”, që nuk po marrin pjesë në këtë seancë. Do të donim që të ishin edhe ministrat e kabinetit qeveritar, që kanë qenë realisht nënshkruesit e këtyre kontratave njëburimore, për të cilat kemi thirrur edhe këtë seancë. Si deputetë të opozitës javën e kaluar kemi pasur për qëllim që të kemi një diskutim së bashku që ta kemi arsyeshmërinë e këtyre kontratave. Abelard Tahiri shtoi se në hulumtimin që kanë bërë si Grup Parlamentar për dy vjet, 2022-2023, janë nënshkruar 220 kontrata njëburimore në vlerë 153 milionë euro. Por kjo nuk është e tëra, pasi nga grupet tjera parlamentare që kanë bërë hulumtim më të gjerë del se vlera e këtyre kontratave shkon rreth 200 milionë euro. Abelard tha Tahiri, me këtë rast i bëri thirrje Prokurorisë që të nisë hetimet për këto kontrata.
